Heilsubankinn

Ef þú ert ekki viss um hvort að eggin séu í lagi getur þú sett vatn með salti í skál og sett eggin í. Ef þau sökkva eru þau í lagi, en ef þau fljóta fara þau beint í ruslafötuna. Ef þú ert í vafa um hvort egg sé soðið eða …

Ef sett er sítrónusneið neðst í krukku með ólífum, eftir að búið er að opna krukkuna haldast ólífurnar lengur ferskar og fínar.

Ef paprikan er orðin eitthvað slöpp, búin að missa stinnleikann og orðin svolítið krumpuð, er gott ráð að skera hana í tvennt, taka kjarnann út og láta hana liggja í köldu vatni í nokkra klukkustundir þá verður hún stinn og flott og hægt að nota hana með sóma.

Ef sett er smá matarolía með í hvítlaukspressuna er auðveldara að kreista hvítlaukinn og ekki nóg með það, heldur er mun auðveldara að þrífa hvítlaukspressuna á eftir.

Ef sett er smá af matarolíu á rifjárnið, áður en osturinn er rifinn niður, þá klístrast hann ekki saman í hrúgu.

Ef epli er sett í kartöflupokann þá spíra kartöflurnar síður, allavega spíra þær ekki jafn fljótt.

Ef erfitt er að láta matreiðslubókina haldast á þeirri síðu sem uppskriftin er, sem verið er að nota, settu þá teygjur sitt hvoru megin til að halda henni opinni. Með þessum hætti, er síður hætta á, að búa til eftirrétt, með kjöti og grænum baunum -ódýr og þægileg lausn.

Útigasgrillið þarf að þrífa reglulega eins og hvert annað heimilistæki. Gott er að slökkva ekki strax á grillinu eftir notkun, heldur hækka hitann og leyfa mestu fitunni að brenna af grillgrindinni. Nudda svo með vírbursta yfir grindurnar á meðan þær eru enn heitar. Svo þarf reglulega að taka það vel …

Til þess að reykur standi ekki upp frá grillinu, er gott ráð að henda grófu salti í glóðirnar, þannig losnar maður ekki bara við reykinn, heldur helst glóðin lengur heit.

Ef skipta á sykri út í stað sýróps þá er gott að miða við 1 dl. sykur =1/3 -1/2 dl. Agave sýróp