Óþolsklattar

Grunnuppskrift:

• 2 dl hrísgrjónamjöl
• 1 egg eða samsvarandi magn af hörfræslími
• ½ tsk salt

Það er einnig hægt að nota bókhveiti eða mais í uppskriftina, nú eða blanda þessum tegundum saman eftir smekk.

Svo er hægt að bæta við ýmiskonar kryddi, t.d. kanil, vanillu eða slíku.

Einnig er hægt að mala fræ og hnetur og setja í deigið.

Þurrkaðir ávextir s.s. rúsínur, döðlur og fíkjur gera svo klattana að fyrirtaks sætabrauði.

Notið hugmyndaflugið!

Hörfræslím fæst með því að leggja hörfræ í bleyti í vatn og láta standa í ísskáp yfir nótt. Fræin eru svo skilin frá og slímið nýtist á hliðstæðan hátt og egg, þ.e. það virkar sem bindiefni í bakstur og matargerð.

Uppskrift: Inga Kristjánsdóttir – Næringarþerapisti D.E.T.